Informata për autorët

Për Konferencat që do të organizohen në kuadër të Takimit të Katërt të Alb-Shkencës në Shkup/Tetovë, janë të ftuar të gjithë shkencëtarët dhe punonjësit shkencorë që të dërgojnë punimet e tyre më të reja nga lamija e angazhimeve të tyre profesionale - shkencore. Punimet duhet të jenë origjinale dhe të pabotuara akoma si dhe nuk duhet të jenë në ndonjë proces redaktimi a recensimi (review) për botim në ndonjëkonferencë apo revistë tjetër shkencore. Çdo punim i dërguar duhet të ketë titullin dhe listën e plotë të autorëve. Që punimi të mund të pranohet për prezantim, të paktën njeri nga autoret do të duhej të merrte pjesë në Takim.

• Kumtesat / Ligjëratat duhet të jenë origjinale, të pabotuara dhe jo në proces vlerësimi ose botimi.
• Kusht i domosdoshëm për botimin e kontributit në revistën shkencore Aktet e Takimeve Ndërkombëtare Vjetore të Institutit Alb-Shkenca është pjesëmarrja në konferencë të paktën e njërit prej autorëve (në rastet kur kontributet janë me bashkautorësi).
• Deri në 31 maj 2009, në adresën e seksionit përkatës, duhet të dërgohet titulli i kontributit me përmbledhjen (abstraktin) prej 150-250 fjalësh, sipas modelit që jepet më poshtë (Shablloni për Konferencat e Alb-Shkencës 2009).
• Shtyrja e afatit të dorëzimit të abstraktit është e pamundshme, sepse vonon procesin e botimeve të tyre në një libër të veçantë, i cili do të shpërndahet bashkë me revistën “Aktet” e dy Takimeve paraprake.
• Përmbledhjes së kontributit duhet t’i prijë shënimi se në cilin simpozium dëshironi ta paraqitni.
• Secili i interesuar është i lirë të përfaqësohet me më shumë se një kontribut (në konferenca/simpoziume të veçanta shkencore).
• Varianti për botim i kontributeve duhet të jetë në gjuhën shqipe ose angleze, i formatuar sipas rregullave të IASH-së, që do të dërgohen më vonë.
• Është mirë që të interesuarit të kontaktojnë me përgjegjësit për organizimin e konferencave.
• Në qoftë se dëshironi të ndihmoni në organizimin e konferencave /simpoziumeve dhe nëse kërkoni informacion shtesë rreth Takimit IV të IASh-së ju lutemi të na shkruani në adresën: tv2009@alb-shkenca.org

Formati i punimëve:
Punimet e dërguara duhet të jenë të formatuara sipas shabllonit të përgaditur enkas për këtë Takim: Shablloni për Konferencat e Alb-Shkencës 2009.

Created by Eshref Januzaj, (c) Instituti Alb-Shkenca 2009